Ankh

"A chave do alento de vida". Como símbolo da imperecedoira forza vital foi representada nas paredes dos templos e en estelas. O seu signo xeroglífico significa vida, apunta á divina e eterna existencia. O Ankh é representado en ocasións como un obxecto que procede directamente do disco solar e se ofrece ao faraón para que poida administrar o alento de vida entre os homes. Tamén adoita aparecer nas mans dos deuses fronte ao nariz do rei, outorgándolle o "alento de vida", e chorros de auga en forma de Ankh flúen sobre o rei durante a purificación ritual. Outras veces aparece nas mans dos deuses como un símbolo de Vida Eterna e como chave dos misterios da natureza, tal como o home, microcosmos, é a chave do macrocosmos.