Zentangle: o garabato zen

     Un Zentangle é un debuxo abstracto feito con patróns repetitivos, usando tinta negra sobre papel branco, co propósito de que debuxar sexa un acto meditativo e accesible para todos. Rick Roberts e María Thomas inventaron o método cando descubriron que o acto de debuxar patróns abstractos con base nunhas poucas regras básicas era extremadamente meditativo. O método Zentangle usa un papel branco sen liñas, recortado en cadradiños de 8,89 centímetros (3,5 pulgadas). Pódese utilizar un papel de cor, pero non sería un Zentangle verdadeiro de acordo ás pautas do método. Os traballos que non cumpren coas pautas oficiais coñécense como "creacións inspiradas nos Zentangles".
     Estas son algunhas características desta forma de arte:
- O debuxo non terá orientación, non haberá un lado "superior" nin "inferior".
- Non ten que representar ningún obxecto reconocible, debe ser abstracto.
- Débese completar o debuxo exclusivamente con tinta negra sobre papel branco.
- A idea dun Zentangle é que sexa portátil para que poidas facelo no momento que queiras.
- Non se planifica. Cando empezas a crear un Zentangle non tes unha meta final en mente, o patrón revélese a si mesmo a medida que debuxas. É un acto creativo inesperado. En vez de borrar as marcas imprecisas, debes usalas como a base dun patrón inesperado.
- Non son simples garabatos, a persoa que crea un Zentangle presta toda a súa atención ao que fai, necesita unha concentración máxima. Non é posible crear un Zentangle mentres estás no teléfono ou escoitando unha conferencia.
- O método Zentangle é unha cerimonia. Xa que o Zentangle merece a concentración máxima do artista, debes crealo nun lugar silencioso onde poidas concentrarte e honrar á túa obra. Os bolígrafos e o papel que uses deben ser da calidade máis alta, xa que un Zentangle é un traballo de arte que pode gozarse durante moito tempo.

 

     Hai moitos recursos en internet se queres copiar patróns para comezar. Se o prefires, podes improvisar, seguindo estes pasos:
 1. Debuxa un bordo con lapis pola beira do papel. Non uses unha regra nin obxectos rectos para debuxar o bordo, non importa se che treme a man mentres debuxas o bordo, unha vez terminado o teu zentangle quedará máis orixinal. Non lle calques ao lapis mentres trazas a man alzada este bordo. A idea é que non se vexa cando termines de crear o Zentangle cun bolígrafo. Debuxarás o teu patrón dentro dese perímetro do bordo.
 2. Debuxa un fío, a lapis, dentro do perímetro do bordo. Un fío é un garabato ou liña curva que lle dará estrutura ao teu deseño. O patrón que realices aparecerá de acordo aos contornos do teu fío. Debe ser unha forma abstracta e sinxela para dividir con elegancia o bordo en seccións. Lembra que non debes aplicar demasiada forza ao lápis mentres debuxas o fío, só debe servir de guía para o teu patrón pero non se verá cando termines o teu Zentangle. Algunhas persoas teñen dificultade para determinar o xeito correcto de debuxar o fío. Recorda que a filosofía detrás dun Zentangle é que debe sentirse agradable, natural e festivo. Debuxa o que desexes cando o teu lápis toque o papel. Non hai un xeito incorrecto de facelo. Se necesitas ideas para crear fíos diferentes, hai patróns de fíos dispoñibles en internet.
 3. Empeza a crear un enredo; é un patrón que se fai co bolígrafo ao longo dos contornos do fío. Un Zentangle pode ter un só enredo ou unha combinación de varios diferentes. Usa o teu bolígrafo para empezar a debuxar calquera patrón que se che ocorra. Non esquezas que non hai trazos correctos ou equivocados. Os enredos deben estar compostos de formas moi sinxelas. Unha liña, un punto, un círculo, un garabato ou un óvalo son aceptables. Se queres podes usar o lapis para agregar sombras aos enredos e darlles máis profundidade e atractivo visual. Non borres os erros. Por iso usamos bolígrafo, para que non haxa oportunidade de corrixir os erros. Todos os enredos se fan trazo por trazo. Presta atención a cada trazo que fagas e constrúe o teu patrón de xeito deliberado. Concéntrate atentamente no teu traballo. Tal como farías mentres meditas, libera a túa mente das preocupacións e os problemas. Segue debuxando ata que termines. Saberás cando deixar de debuxar.