Gustirrilín cerebral ??

Quero compartir convosco esta interesantísima información sobre o ASMR, un fenómeno pouco estudado pero que moitos de nós experiementamos ao darnos Reiki ou acadar estados de meditación profunda. Os científicos acaban de aceptar a súa existencia ao poderen rexistrar o fenómeno e medilo, pero aínda non ten un "nome oficial", de momento chámanlle ASMR, siglas en inglés de "Resposta Sensorial Meridiana Autónoma". Consiste nun fenómeno biolóxico en resposta a determinados estímulos visuais, auditivos ou cognitivos que se caracteriza por unha pracenteira sensación de formigueo que se dá na cabeza e coiro cabeludo e pode expandirse a outras partes do corpo. Parece ser que xa bastantes persoas comezan a sentilo (ou a atreverse a dicir que o senten) mentres realizan diversos tipos de tarefas relaxantes ou observan a outras persoas realizalas (cousas simples como cociñar, pintar) ás veces de xeito espontáneo e outras buscado a propósito (escoitando audios con sonidos binaurais, por exemplo).