Todo o que imos relegando, adiando, agochando baixo a alfombra, permanece aí, apodrece e acaba por feder. No peor dos casos, medra como un fungo na escuridade. Aumenta a nosa sombra.Todos escondemos baixo a alfombra certos aspectos de nós mesmos ou das nosas situacións persoais, esperando que desaparezan de seu ou que pase algo que o resolva. Pero rara vez se resolve por si só, unicamente os asuntos periféricos do ser, aqueles que non forman parte das aprendizaxes fundamentais das nosas vidas, desaparecen por si mesmos; aquilo que debemos enfrontar necesariamente para o noso proceso de maduración persoal sempre permanece, ata que o aceptemos e integremos na nosa vida.
Ningún comentario:
Publicar un comentario