Coller auga nun cesto

Algunhas cousas parecen imposibles, como coller auga nun cesto. Así é a vivencia espiritual. Se nos aproximamos á experiencia desde a nosa personalidade todo se nos escapa polos buratos do EU...
Entón, como se fai?
Colle o cesto e bótao no mar. Verás cando se afunda: quedará cheo de auga para sempre!
A experiencia da espiritualidade non se logra vertendo pequenas doses de espírito na individualidade, senón botando a individualidade dentro da totalidade.