Inconsciente...

O outro día pasei a tarde cun amigo con quen hai moito tempo que non mantiña unha conversa longa e profunda. Ambos estamos moi cambiados e non nos entendemos ben. Atopeino devorado polo arquetipo racionalista, ata o punto de que cando lle suxerín que a intuición tamén era unha ferramenta válida me respondeu, cun convencemento abraiante,que a intuición só é o resultado dunha cadea de razoamentos que se esqueceron. (Era consciente do que dicía, que para el as persoas intuitivas son unhas desmemoriadas...?) No seguinte vídeo de divulgación científica trátanse algunhas das investigacións en que se ocupa a neurociencia actualmente. Entre outros temas interesantes fala da intuición e a creatividade.