Espirais ou círculos?

Seguro que todos oímos falar algunha vez do "ciclo da vida" pero cada vez que o experimentamos en carne propia nos sorprende e incluso molesta. A causa é que estamos habituados a pensar en términos de liñas rectas, construímos a nosa identidade (non exactamente, máis ben o noso ego) como unha liña do tempo, unha biografía que avanza queimando etapas, capítulo 1, capítulo 2... e cando algo parece repetirse sentímonos fracasados: Pero outra vez? Por que, se isto xa o tiña superado? Entón nace a expresión "andar en círculos", que ten connotacións negativas.
De agora en diante cando algo se repita na túa vida non te atormentes como se alguén te suspendese e tiveses que repetir curso, non se trata diso senón de enfrontar a mesma situación desde unha perspectiva máis rica, máis ampla. Non penses nun círculo senón nunha espiral. Aparentemente vas facendo os mesmos xiros que xa fixeches, pero un pouco máis arriba, cun coñecemento maior da situación e de ti mesmo, cunha maior consciencia e capacidade resolutoria. Si que estás avanzando, o que pasa é que non avanzas en liña recta senón en espiral.
Tentarei de aplicar isto na miña vida e levar o mellor posible esta fastidiosa recaída gripal...