Desapego

Esta fin de semana podes aproveitar para deixar ir todo o que non necesitas, practicar o desapego. E o desapego farache libre.
Un gran xeneral, heroe da guerra, xa retirado, estaba na casa admirando todos e cada un dos trofeos que conseguira ao longo de tantos anos de batallas e sen querer deulle un golpe a un xarrón. Case o tira ao chan pero por sorte non lle pasou nada, puido collelo no aire. Era un xarrón moi valioso. Tanto que, do susto, o xeneral comezou a suar e a tremer. "Case o rompo" dixo. De súpeto o xeneral pensou: "Tantas batallas e tanto valor, e agora por un simple xarrón póñome a tremer?" Entón colleu todos os xarróns e todos os trofeos e tirounos.