Breve introdución ao sistema de chacras

Esta é unha das miñas explicacións favoritas do sistema de chacras, extraída da serie de animación Avatar, a lenda de Aang (que non ten nada que ver coa peli de Cameron de título similar)

É xenial con que economía de palabras se fai unha descrición tan boa, breve e certeira, ademais de poñerse un exemplo moi comprensibel de cada chacra, baseado na vida de Aang pero que axuda moito a recoñecer o caso persoal de cada quen. Tamén é de salientar que os guionistas da serie non pretenderon nunca en ningún momento crear escola nin ser didácticos, anque nesta etapa da aprendizaxe do protagonista vaia se o conseguen... E tamén me gusta que se inclúa algo moi importante que soe estar ausente dos manuais: como e por que se bloquea cada chacra. Podes facer unha meditación moi esclarecedora sobre como funciona cada un dos teus chacras facéndote as mesmas preguntas que Aang:

1 medo

De que tes medo? Que te impide vivir plenamente? Que farías se te atreveses?

2 culpa

De que te culpas? Que te impide gozar sen remordementos?

3 vergoña

Cando te decepcionaches a ti mesmo/a? De que capacidades túas dubidas?

Que te impide impoñer a túa vontade?

4 sufrimento

Por que cres que o amor vai unido ao sufrimento e te aferras á dor?
Que é o que te impide amar sen sufrir?

5 mentira

Que cousas de ti mesmo/a  disimulas, negas ou ocultas ?

Que te impide expresarte plenamente e ser creativo/a?

6 ilusión da separación

Ilusión no sentido de engano, falsa idea.

Non es un individuo aillado, es unha pola da gran árbore do universo.
A confusión te impide discernir.

Non te dás conta de que todo vai unido?

7 lazos mundanos

Uf, delicado equilibrio entre as cousas ou persoas que te atraen ao mundo material

e as que te elevan ao espiritual... E se houbese que elixir?

Que cousas te atan a este mundo?